- 81 a -

1327. Juli 29. (?) Liegnitz.

Der Rath der Stadt Liegnitz verkauft wegen grosser Noth dem Abt Johannes von Leubus und dem Kloster ein Grundstück, 46 Ellen lang und 16 Ellen breit, welches dem Franczko Tribilwicz gehört hat, gelegen neben dem Leubusser Hause, sowie 10 Mark Zins in den Reichkramen, 6 Mark vom Kaufhause, 14 Stein Seife, 7 Schuhbänke, 1 Brodbank und andere Einkünfte, dagegen verzichtet das Kloster auf 7 Mark jährl. Zinsen, welche es auf der Badstube beim Bischofhofe und vom Schrotrecht hat.

In nomine domini amen. Quoniam ea, que in tempore aguntur, faciliter a memoria labuntur, nisi testimonio literarum et testium perhennentur, hinc est, quod nos consules ciuitatis Legnicensis uidelicet Pezoldus Colbil magister ciuium, nec non Petrus Institor, Richil Textor, Nicolaus Hartungi, Johannes Puschil consules ad tenoris scripti tam presentium, quam futurorum notitiam cupimus peruenire, quod nos, prehabito solenni tractatu ac consilio et deliberacione bona et matura, cum juratis et scabinis et senioribus ciuitatis et artis cuiuslibet, propter ueram necessitatem et onera magna ciuitati incumbencia uendidimus ac tradidimus religioso domino Johanni abbati Lubensi cisterciensis ordinis, Wratislau. diocesis, totiusque conuentui ibidem hereditarie peciam fundi terre, que fuerat Ffranczkonis Tribilwicz, domui lapidee predictorum fratrum contigue adiacentem, habentem in longitudine quadraginta sex ulnas et in latitudine sedecim, et per omnem modum sicut Franczko predictus possederat, excepto duntaxat, quod predictam peciam sicut et domum ipsorum lapideam et alios prouentus annuales, quos tam in ciuitate, quam extra ciuitatem habere dinoscuntur. Primo in institis decem marcas. Item sex marcas in mercatorio. Item quartum dimidium maccellum carnium. Item quatuordecim lapides sepi fusi. Septem staciones calceorum. Unam stacionem panis. Preterea octo scotos in una stacione panis et in altera quatuor lapides cere. Item foris ciuitatem in molendino circa nouum cimiterium unam marcam; in ortis ante portam Wratislauiensem tres marcas et quatuor scotos. Ante portam Aurei-montis tres marcas et unum scotum. Ante portam uero Haynouiensem in allodio Rudigere dicti Mogerlin duas maldratas ordei, sex mensuras tritici, sex siliginis et totidem auene cum uno fertone grossorum. Omnia predicta et singula libera ob omni exaccione et contribucione, nec non pecunia monetali et in uigilia nocturnali libere et perpetue possidebunt. Nam antea de ipsis bonis cum communitate nostre ciuitatis onera, seruicia in contribucionibus et collectis singulis comportauerunt. Nunc uero nobis et communitati nostre septem marcas annualium reddituum, quos habebant in stuba balneali iuxta curiam episcopalem, super ripam dictam Katczbach sitam, et de uectigacione, que schrottammecht wlgariter nuncupatur, pro communi utilitate nostre ciuitatis libere resignarunt. Pro quibus plena et integra totaliter uniuersis et singulis eorum redditibus supradictis, quos in ciuitate nostra Legnicensi et extra ciuitatem habent, perpetua libertate gaudebunt et immunitate perpetua pocientur. Preterea addicimus, quod si quid ab hinc in antea, in ciuitate nostra, aut ad ipsam spectancia, ipsis aut eorum monasterio legatum fuerit, illud cum fauore consulum et communitatis debent obtinere, quod si obtinere ex fauore consulum nostre ciuitatis et communitatis non possent, ex tunc predictam legacionem uendere debent et possunt in denarios commutare. In hoc quoque consules ciuitatis debent ipsis fideliter cooperari, nec modo aliquo impedire. Preterea ciuitas nostra summopere toto suo posse bona fide et omni fidelitate prefatum dominum abbatem, aut qui pro tempore fuerit, cum uniuersis suis fratribus et monachis in uniuersis suis agendis et placitis iure et ordine ciuitatis nostre protegere et patrocinari, tamquam uiros et fideles nostros conciues, fideliter se astringit. Addicientes, quod sentine et fluxus aut ductus aquarum transiens per medium domus lapidee predictorum fratrum et peciam supradictam debent permanere et refici ab his, que ab retro actis temporibus reficere consueuerunt, harum testimonio literarum, quos eidem monasterio Lubensi dari fecimus nostre communitatis sigillo roboratas. Actum et datum anno domini M°CCC°XXVII°, proxima die judiciaria ante festum Petri apostoli ad vincula in pretorio Legnicensi.

Prov. Arch. Leubusser Copialbuch des XV. Jahrh., sub sign. D. 207. f. 55.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866